| Herodotus, The Histories (XML Header) [genre: prose] [word count] [lemma count] [Hdt.]. | ||
| <<Hdt. 1.132.2 | Hdt. 1.133.3 (English) | >>Hdt. 1.135.1 |
1.133.1
ἡμέρην δὲ ἁπασέων μάλιστα ἐκείνην τιμᾶν νομίζουσι τῇ ἕκαστος ἐγένετο . ἐν ταύτῃ δὲ πλέω δαῖτα τῶν ἀλλέων δικαιεῦσι προτίθεσθαι · ἐν τῇ οἱ εὐδαίμονες αὐτῶν βοῦν καὶ ἵππον καὶ κάμηλον καὶ ὄνον προτιθέαται ὅλους ὀπτοὺς ἐν καμίνοισι , οἱ δὲ πένητες αὐτῶν τὰ λεπτὰ τῶν προβάτων προτιθέαται .
1.133.2 σίτοισι δὲ ὀλίγοισι χρέωνται , ἐπιφορήμασι δὲ πολλοῖσι καὶ οὐκ ἁλέσι · καὶ διὰ τοῦτο φασὶ Πέρσαι τοὺς Ἕλληνας σιτεομένους πεινῶντας παύεσθαι , ὅτι σφι ἀπὸ δείπνου παραφορέεται οὐδὲν λόγου ἄξιον · εἰ δέ τι παραφέροιτο , ἐσθίοντας ἂν οὐ παύεσθαι .
1.133.3 οἴνῳ δὲ κάρτα προσκέαται , καί σφι οὐκ ἐμέσαι ἔξεστι , οὐκὶ οὐρῆσαι ἀντίον ἄλλου . ταῦτα μέν νυν οὕτω φυλάσσεται , μεθυσκόμενοι δὲ ἐώθασι βουλεύεσθαι τὰ σπουδαιέστατα τῶν πρηγμάτων ·
1.133.4 τὸ δʼ ἂν ἅδῃ σφι βουλευομένοισι , τοῦτο τῇ ὑστεραίῃ νήφουσι προτιθεῖ ὁ στέγαρχος , ἐν τοῦ ἂν ἐόντες βουλεύωνται , καὶ ἢν μὲν ἅδῃ καὶ νήφουσι , χρέωνται αὐτῷ , ἢν δὲ μὴ ἅδῃ , μετιεῖσι . τὰ δʼ ἂν νήφοντες προβουλεύσωνται , μεθυσκόμενοι ἐπιδιαγινώσκουσι .
ch. 134
1.134.1
| Herodotus, The Histories (XML Header) [genre: prose] [word count] [lemma count] [Hdt.]. | ||
| <<Hdt. 1.132.2 | Hdt. 1.133.3 (English) | >>Hdt. 1.135.1 |
